2026ஆம் ஆண்டில் இலங்கைக்கு வருகை தந்த 20 இலட்சமாவது சுற்றுலாப் பயணி, நவம்பர் 20 வெள்ளிக்கிழமை முற்பகல் கட்டுநாயக்க பண்டாரநாயக்க சர்வதேச விமான நிலையத்தின் ஊடாக நாட்டை வந்தடைந்ததாக இலங்கை அரசாங்கத்தின் உத்தியோகபூர்வ செய்தி இணையத்தளம் தெரிவித்துள்ளது.

ரஷ்யாவைச் சேர்ந்த இந்தச் சுற்றுலாப் பயணி, தனது குடும்ப உறுப்பினர்கள் இருவருடன் இலங்கைக்கு வந்துள்ளார்.

தொடர்ச்சியாக மூன்றாவது ஆண்டு

இலங்கைக்கான சுற்றுலாப் பயணிகளின் வருகை 20 இலட்சம் என்ற எல்லையைக் கடப்பது இது தொடர்ச்சியாக மூன்றாவது ஆண்டு என வெளிநாட்டலுவல்கள், வெளிநாட்டு வேலைவாய்ப்பு மற்றும் சுற்றுலா அமைச்சு தெரிவித்துள்ளது.

2018ஆம் ஆண்டுக்குப் பின்னர் 2024, 2025, 2026 ஆகிய ஆண்டுகளில் வருகை 20 இலட்சத்தைத் தாண்டியுள்ளது. 2024இல் டிசம்பர் 26ஆம் திகதியும், 2025இல் நவம்பர் 17ஆம் திகதியும், இவ்வாண்டு நவம்பர் 20ஆம் திகதியும் இந்த எல்லை கடக்கப்பட்டதாக அமைச்சு குறிப்பிட்டுள்ளது.

அமைச்சின் கருத்து

உலகளவில் பல்வேறு நெருக்கடிகள் நிலவுகின்ற போதிலும் சுற்றுலாத் துறை தொடர்ந்து முன்னேற்றம் கண்டு வருவது, இலங்கையின் சுற்றுலாத் துறை மீது சர்வதேச சமூகம் கொண்டுள்ள நம்பிக்கையைப் பிரதிபலிப்பதாக அமைச்சு தெரிவித்துள்ளது.

இவ்வாண்டு சுற்றுலாப் பயணிகளின் வருகை 2025ஆம் ஆண்டின் சாதனையை முறியடிக்கும் என எதிர்பார்ப்பதாகவும் அமைச்சு மேலும் குறிப்பிட்டுள்ளது.